މި ޕްރޮގްރާމަކީ "މީރީ" ޕްރޮޖެކްޓްގެ ދަށުން ފެހުމުގެ ސިނާއަތުގައި ހިނގަމުންދާ ވިޔަފާރިތައް ފުޅާކުރުމަށް ނުވަތަ އަލަށް ފަށައިގަންނަ ވިޔަފާރިތައް ކުރިއަރުވައި ތަރައްޤީ ކުރުމަށް މާލީ އެހީ އަދި ތަމްރީން ފޯރުކޮށްދިނުމެވެ.
ފެހުމުގެ ސިނާއަތަކީ ރާއްޖޭގެ އިޤްތިޞާދުގައި ވަރަށް މުހިންމު ޙިއްޞާއެއް އަދާކުރާ ދާއިރާއެކެވެ. މި ސިނާއަތުން ގިނަ ބަޔަކަށް، ޚާއްޞަކޮށް އަންހެނުންނަށް ވަޒީފާގެ ފުރުޞަތުތައް ފަހިކޮށްދީ، އޭގެ ތެރެއިން ގިނަ ބަޔަކު ގޭގައި ތިބެގެން މަސައްކަތްކޮށް ފެންވަރު ރަނގަޅު ފޭރާމާއި އެހެނިހެން ސާމާނު އުފައްދައެވެ.
ސްމޯލް ގްރާންޓްސް ޕްރޮގްރާމުގައި 100 ފަންޑިންގ ސްލޮޓް ހިމެނޭއިރު، މި ޕްރޮގްރާމަށް ކުރިމަތިލާ ކޮންމެ ފަރާތަކަށް އެއްލައްކަ ރުފިޔާ (100،000) އާ ހަމައަށް މާލީ އެހީ އަށް އެދި ހުށައެޅުމުގެ ފުރުސަތު ލިބިގެންދާނެއެވެ.