މި ޕްރޮގްރާމަކީ ވިޔަފާރި ފަށައިގަންނަ ނުވަތަ ފުޅާކުރަން ބޭނުންވާ އަންހެން ވިޔަފާރިވެރިންނަށް މާލީ އެހީތެރިކަމާއި ތަމްރީނާއި ފަންނީ އެހީތެރިކަން ފޯރުކޮށްދިނުމެވެ.
ސްމޯލް ގްރާންޓްސް ޕްރޮގްރާމް ފޮރ ވިމެން ލީޑް ބިޒްނަސްގެ މަޤްޞަދަކީ ހިނގަމުންދާ ވިޔަފާރިތައް ފުޅާކުރުމަށް ނުވަތަ އަލަށް ފަށައިގަންނަ ވިޔަފާރިތައް ފަށަން ބޭނުންވާ އަންހެން ބޭފުޅުންގެ ވިޔަފާރިތައް ކުރިއަރުވައި ތަރައްޤީ ކުރުމަށް މާލީ އެހީ އަދި ތަމްރީން ފޯރުކޮށްދިނުމެވެ.
ސްމޯލް ގްރާންޓްސް ޕްރޮގްރާމުގައި 100 ފަންޑިންގ ސްލޮޓް ހިމެނޭއިރު، މި ޕްރޮގްރާމަށް ކުރިމަތިލާ ކޮންމެ ފަރާތަކަށް އެއްލައްކަ ރުފިޔާ (100،000) އާ ހަމައަށް މާލީ އެހީ އަށް އެދި ހުށައެޅުމުގެ ފުރުސަތު ލިބިގެންދާނެއެވެ.